(4)

 

إلى "شقائق النعمان" أبوح اليوم بسر ما عاد  للكتمان …..

 

جف الورد …..جف العشق….وجفت من أوردتي وشرايني دماء الشهداء

 

ومن غير دمك يـالعشق… ما في إلي ماء ولا هواء..ولا غذاء …ولا وجود وحياة

*

*

وسري (هو سر وجودي)….. وسر (الحيـــــاةـ….ــــي)  أنا يا ناسي صرت انخنق فيكم  واتقطــع منكم ….وموت "جواتـــ…..حياتـ….. كم"….. لحتى صرت بدي اجازة من الموت

 

تــــ….إحيــــــا أنا عنكم الحياة

 

وآخـــــــــد إجازة مــــن هذا الموت ………..

 

 

(5)

 

اجازة من الموت

 

بقولوا عني أرض….. والأرض بمفهوم البشر….. –جمـــــاد-.

فلا هوا إتنفسو ….ولا ميّ تإشرب …..ولا لي طعام ولاغذاء

لا تعب تإتعبوا ولا جهد تإبذلو ولا عندي معناة ولا بعرف معنى العناء

لا فرح تعيشوا ولا حزن ….ولا هم ولا ……ولا يمكن عندي متل البشر لباس… ولا شي من الحياء

لا حجم بيكبر ولا ايدين بتتقطع ولا آذان بتسمع…… ولا قلب بينبض و بيتمزع…..

ولا حتى لي  وريد بتسري فيه الدماء

 

كان الوطن هــالـ "الميت ..بس … الحي" فيكن …… كان يتنفس من صدوركم  … وكان يشرب تــــ…يرتوي من دماء الشهداء…

وكان يتغذى من أفكار عقولكم ….. ويستريح عـــ راح ــــة مقاتل عــــ حجر في شي كهف عـ راس الجبل … من بعد ما دوخ وانهك واهلك من وراه في السهول و التلال الأعداء

ويسهر بعيون ام عولادها من حمّى الليل… ويتعب مع أبو العيال تيجيب قوت يومو ولقمة عيالو ويهلكه الإعياء….

ويعاني معاناه طفل يتيم محروم من شجرة أهل مقطوع ….يقرصو برد الشتا وبرد الوحدة… وعلى طول موجوع …وينام الشارع فرشتو ولحافو السماء

ويفرح بمولود الفجر جايي يصرخ صرخة "حياة" وطلوع الشمس يملوا سوا الفضاء…

 

ويحزن وينهـّم لمن حبابو يرحلوا …ويفارقوه….ويقلوا له راجعين وويروحوا وينسوه….

 

وتنكسر نفسو…. وهو يلملم تيابوه عليه من القرف …ومن الخجل لمن عطوا الفرصة لغيرهن تيدخلوه…. وبستبيحوه و…..يغتصبوه ….

وعحساب انو هالوطن ميت "جماد" يعني ما عندو حياء!!!!!

 

هالوطن "الميت"…جدلا… "الحي" فيكن لهلأ ما حسيتوه؟؟؟؟؟

 

(6)

 

ومن كتر الحياة فيكن ومن خلالكن بقي عـــ جموده وحافظ (عـــ….موته) بسلام…. لأنو كان بـيـ…"حــس" انو حي بـــ….يتنفس من خلالكن …وبيتغذى ,,وبينمو,,, ويكبر ،،، ويبكي ،،،ويضحك،،،ويتألم،،،، وحتى يتمزع ويتلوع فيــ…كم ومن خلالـ…كم وعبر حياتكم إنتوا.!!!!!!!!!..يللي يللي بالنسبة إلو (انتوا) ما تبقى له ….وكل من وما تبقى لـــــه …..

 

 

 

 

وكانت حياته فيكن ومن خلالكن بتكفيه وبتغنيــــــــه عن إجازة !!!!!……

 

بس من "وقت مـــا" …… -ما عاد يكفيه ولا يغنيه- البقاء (ميتاً…جدلاً..حياً فيكن ونقطة) …. وبنـــرجع لهــــ….النقطة في وقتها ……وللوقت في حينه……وبـــ نرجـــــع،،،،،………

 

وإزدادت حاجته وإضطراره يوما بعد يوم وأخذت بالتصاعـــــد اليومي ….. ويمكن صارت قاب (قوسين أو أدنى) لأخذ إجازة من (الموت) …(موته يللي كان عنه بغنى لحياته عبركم)  …… خاصة من بعد ما بلشتم بإيدكم إنتوا يللي هو عايش فيكن …وجواتكن …. تقزموه … وتسقموه…وبلشتم تقطعوه ….وتشتتوه….وتضيعوه… وبلشتوا  تمسخوه… وما بقي عليكم غير تستبيحوه – وقد شرعتم في ذلك- أجل بدأتم بذلك وأنتم تدركون بلا أدنى شك أنكم تفعلون…..وبلشتم بلا حياء تعدون أجهزتكم (..التناســـ..أمنيــ..ـة…) و(التناســ…اقتتاليـ….ـة) تـــ….تغتصبوه وتخنقوه ومن بعدها تمثلوا بجثته وتقتسموه…..

عيشتوا فيكن وخلالكن يا ناس صارت القبر هي إلو وصارت إلو….بدل الحياة …ممات …وصار لازم عالوطن ياخد منكم (ومن الموت …من هالحياة تبعتكم يللي تحولت له ممات) اجازة تينتفض فيها من موتته وينتفض فيها لشرفوا ……لأنو هالوطن كائن حي بذاته ويأبى على نفسه إلا الحياء والكبرياء.

 

وشو الفايدة لمن شقائق النعمان تصير جواتي شوك الجبل…و دماها تــ….تضــيع هدر وبلا حياة؟؟؟؟؟

 

خذ اجازة يالوطن "يـــ…الحي …الميت جدلا…." من ميتتك وعلمهن كيف "تـــُحيــا بشرف الحياة".

 

(7)

 

ابتعد حتى الإقتراب …….واقترب حتى البعد

 

ابتعد عن الانسان مني لأقترب مزيدا من رحم الوطن

واقترب من الانسان مني كي ابتعد "هارباً" من الوطن

*

*

يتحتم علينا أحياناً  أن

 

نهرب من الهروب!!!!!!

 

كي لا نفقد الوجود وهاد هو يللي بدهن ياه منا… وهاد هو المطلوب

ولكن هروبنا إليه وهروبه إلينا هو نوع خاص وبالمقلوب

 

وانساني من "وطني يحتاج إلى اجازة

أجازة من الحياة

 

(8)

اجازة من الحياة

يتبع…..

ـــــــــــــــــــــــــــــــــــــــــــــــــــــــــ
التصنيفات : غير مصنف | أرسل الإدراج  |   دوّن الإدراج